松按:做了十年媒人,也應該寫一首婚禮歌;寫完後請好友康原大師修正,他修正後更好、更有意思,特附於後,均請讀者指教。讀者亦可自撰一首投稿,都沒有稿酬。另外,會作曲、愛唱歌的會員,也可以報名,一樣都沒有酬勞,將來可望合作出現一首大家必須唱、會愛唱的《台灣婚禮歌》。
------------
一生只愛汝一e----台灣婚禮歌
劉峯松詞
一
(新郎)天賜良緣,今日娶汝,
阮大聲講出真愛汝。
(新娘)良緣天賜,今日嫁汝,
阮嘛大聲講出真愛汝。
(合唱)一生只愛汝一e,
阮麥冤家、阮麥變心。
二、
(新郎)汝有夠水、有夠溫柔;
有汝真好,阮會疼惜。
(新娘)汝有緣投、擱有責任;
有汝疼惜,阮真感恩。
(合唱)一生只愛汝一e,
謝天謝地、謝阿爸阿娘。
三、
(新郎) 阮有缺點,阮莫宰影;
請汝諒解、請汝包容。
(新娘)阮有缺點,阮嘛莫宰影;
請汝諒解、請汝包容。
(合唱)一生只愛汝一e,
阮會改進、阮會包容。
四、
(新郎)未來的路,真長真遠,
阮會打拼,請免煩惱。
(新娘)愛汝的路中,歡喜甘願;
阮會忍耐,請汝放心。
(合唱)一生只愛汝一e,
阮會美滿、阮會幸福。
一生只愛汝一e。
司儀旁白
增產報國、趕緊「做」人。
洞房花燭夜,愛拼才會贏。
親友祝福鼓勵
新婚快樂,愛拼才會贏、愛拼才會贏……。
----------------
一生只愛汝一人………台灣婚禮歌
康原 詞
一
(新郎)天賜良緣,今結連理,
大聲講出阮真正愛汝。
(新娘)良緣天賜,今日嫁汝,
阮為愛情來唸歌詩。
(合唱)一生只愛汝一人,
汝若是天,阮著是地。
天配地,予咱變成一家夥。
二、
(新郎)汝真正媠,又閣溫柔;
美女賢慧,世間無濟。
(新娘)汝有責任,充滿愛心;
有汝疼惜,阮心偷笑。
(合唱)一生只愛汝一人,
感謝天地,甲阿母老爸。
從今以後,翁生某旦好相看。
三、
(新郎)阮有缺點,汝毋知影;
請汝諒解、請汝忍耐。
(新娘)阮有缺點,汝嘛毋知;
請汝忍耐,請汝諒解。
(合唱)一生只愛汝一人,
攏愛改進,好好相挺。
咱若仝心,烏土嘛會變黃金。
四、
(新郎)未來的路,真長真遠,
阮會拍拼,予汝好命。
(新娘)愛情的路,毋驚風雨;
阮會忍耐,佮汝相照顧。
(合唱)一生只愛汝一人,
咱會幸福,一山過一山;
有汝作伴,生生世世真美滿。
司儀旁白
增產報國、趕緊「做」人。
洞房花燭夜,愛拼才會贏。
親友祝福鼓勵
新婚快樂,愛拼才會贏、愛拼才會贏……。
若要回覆本文章請先登入